Физиктиг терминнер тайылбыры кодун көөр

'''''Физиктиг терминнер''''' – физика эртеминге хамаарышкан терминнер, оларның тайылбыры.

== Архимед күжү ==
'''Сила Архимеда''' – [[Архимед]] күжү. Хей (газ) болгаш өске-даа суук чүүлдерже кандыг бир чүвени киир сугарга, дедир үндүр идип турар күш:
: <big><math>{F}_A = \rho {g} V,</math></big>
кайда <math>\rho</math> — сууктуң (хейниң) [[дыгыйы]], '''g''' доктаамал коэффициент = 9,8 (чамдыкта 10 деп мугурлаар), а <math>V</math> — суккан чүүлдүң хемчээли (азы чүүлдүң суккан кезээ).

[[Файл:Principio di Archimede galleggiamento.png|thumb|right|210px|Кажан Архимед күжү аарының күжүн деңнептерге, ынчан чүүл хостуг салдап эгелээр.]]

== Архимед хумуңчугажы ==
'''Ведёрка Архимеда''' – Архимед хумуңчугажы. Архимед күжүн дуржулга кырынга бадыткап көргүзер бичии хумуңдан, ооң иштинге өйлежи бээр цилиндрден болгаш, күш хемчээр динамометрден тургустунган херексел.

== Ампер күжү ==
'''Сила Ампера''' – Ампер күжү. Сорунзалыг(магниттиг) шөлдүң талазындан, ток дамчыдып эртип турар сывырындакче, кылдынныг берип турар күш:
: <math> d\vec F = \vec j \times \vec B dV </math>.

== Лоренц күжү ==
'''Сила Лоренца''' – Лоренц күжү. Сорунзалыг шөлдүң талазындан, шимчеп чоруур октагже(зарядче) кылдыныг күжү:
:<math>\mathbf{F}=q\left(\mathbf{E}+[\mathbf{v}\times\mathbf{B}]\right)</math>.

== Стокс күжү ==
[[Файл:Stokes sphere.svg|thumb|right|200px|Агымның шыйыг оруктары, хавак удурланыышкыны (удуру) ''F''<sub>d</sub>, аарының күжү ''F''<sub>g</sub>.]]
'''Сила Стокса''' - Стокс күжү. Хей (газ) азы өске-даа суук чүүлдерниң талазындан салдап азы эштип чоруур чүүлдерге шаптык кадар, оларның шимчээшкининге удур күжү:
: <math>F = 6 \pi r \eta v \,</math>

кайда
:* ''<math>F</math>'' — дүрбүг күжү, азы Стокс күжү,
:* ''<math>r</math>'' — сферажык объектиң радиузу,
:* ''<math>\eta</math>'' — сууктуң динамиктиг вязкозу <sup>(очулдур)</sup>,
:* ''<math>v</math>'' — частицаның дүргени.

== Ньютон дээрбектери ==
'''Кольца Ньютона''' – Ньютон дээрбектери. Калбак, чыыра тыртар линзаны дески шил кырынга салыптарга, линзадан болгаш шилден чайыннаан чырыктың интерференциязының түңнелинде тыптып келир өңнүг дээрбектер. [[File:Newton-rings.jpg|thumb|Ньютон дээрбектери]]

== Броун шимчээшкини ==
'''Броуновское движение''' – Броун шимчээшкини. Суук чүүлдүң (сугнуң) молекулаларының кайы-хамаан чок, ол-бо талаларындан согуушкунунга таварышкаш, кандыг-бир бүдүмелдиң сугга эзилбес кезекчигежиниң уш-баш чок, соксаал чок шимчээшкини. Ону микроскоп дузазы-биле көрүп болур болгаш, сугнуң молеклалрының кайы-хамаан чок, чылыглыг шимчээшкининиң бадыткап турар дуржулга болур. [[Файл:Translational motion.gif|thumb|Молекулаларның броун шимчээшкини]]

== Үттер ==
'''Дырки''' – үттер. Чартык эртирикчилер деп адаар бүдүмелдерде ( кварц, германий...) бир электрону боштунуп чоруй барган атомнарны “үттер” дээр. Олар кадар октарлыг кезекчигештер ышкаш, электрилиг шөлге шимчээр. Оон укталган “Дырочная проводимость полупроводников -  чартык эртирикчилерниң үттүг хевирлери” деп термин база бар.

== Ажылдың дузалакчылары ==
Бо ажылды кылырынга [[ТКУ|Тываның Күрүне Университединиң]] физика-математика салбырының бешки курузунуң студентилери Алена Достай, Мирослав Манзырыкчы, Ирина Ооржак идекпейлиг киришкен. 


== Дөзү ==
#Хеймер-оол Саая. Педагогика эртеминиң кандидады, ТКУ-нуң физика кафедразының доцентизи. Башкы №2.2002

[[Аңгылал:Физика|Ф]]