Этанол

Этилдиг спирттиң структурлуг формулазы

Этилдиг спирттиң молекулазының 3 хемчээлдиг модели

Этанол (этаноол, этилдиг спирт, спирт) — спирттер клазынга хамааржыр бүдүмел. Формулазы C₂H₅OH. Өң чок, тускай чыттыг болгаш ажыг амданныг суук чүүл. Хайныышкынының температуразы 78,4 °C, сырыйы (20 °C) 789,3 кг/м³. Суг, спирттер, эфирлер болгаш хлороформ-биле холужары эки.

Спирттиг суксуннарның кол бүдүмели. Кижиниң централдыг нервилиг системазынче салдар чедирер психоактивтиг бүдүмел (депрессант) болуп турар.

Үндүрери

Этилдиг спиртти 2 кол арга-биле үндүрер: микробиологтуг (чижээ, хойтпак тигери) биле синтетиктиг (этиленни гидратациялаары) арга.

Спирттиг ажыышкын

Углеводтарлыг органиктиг продуктуларны дрожжи азы бактериялар дузазы-биле ажыдарының шаандан тура ажыглаттынып келген аргазы. Виноград, янзы-бүрү кат-чимис, сүттен кылган аъш-чем, картофель, рис, кукуруза ажыглаттынар. Реакцияның бөдүүнчүттүнген схемазы:

$\mathrm{C}{\phantom{A}}_6\mathrm{H}{\phantom{A}}_{12}\mathrm{O}{\phantom{A}}_6⟶2\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}+2\mathrm{C}\mathrm{O}{\phantom{A}}_2$.

Этиленниң гидратациязы

Үлетпүрде ажыглаттынып турар арга. Гидратация — бүдүмелди суг-биле каттыштырар реакция. Бо аргада этиленни ийи схема-биле гидратациялап болур:

• 300 °C температурага биле 7 МПа базыышкынга дорт гидратация, катализатор кылдыр ортофосфорлуг кислота ажыглаттынып турар:

$\mathrm{C}\mathrm{H}{\phantom{A}}_2=\mathrm{C}\mathrm{H}{\phantom{A}}_2+\mathrm{H}{\phantom{A}}_2\mathrm{O}⟶\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}$;

• Күгүрлүг кислота эфири таварыштыр арга, эфирни улаштыр 80—90 °C-ка гидратациялаары:

$\mathrm{C}\mathrm{H}{\phantom{A}}_2=\mathrm{C}\mathrm{H}{\phantom{A}}_2+\mathrm{H}{\phantom{A}}_2\mathrm{S}\mathrm{O}{\phantom{A}}_4⟶\mathrm{C}\mathrm{H}{\phantom{A}}_3\mathrm{C}\mathrm{H}{\phantom{A}}_2\mathrm{O}\mathrm{S}\mathrm{O}{\phantom{A}}_2\mathrm{O}\mathrm{H}$,

$\mathrm{C}\mathrm{H}{\phantom{A}}_3\mathrm{C}\mathrm{H}{\phantom{A}}_2\mathrm{O}\mathrm{S}\mathrm{O}{\phantom{A}}_2\mathrm{O}\mathrm{H}+\mathrm{H}{\phantom{A}}_2\mathrm{O}⟶\mathrm{C}\mathrm{H}{\phantom{A}}_3\mathrm{C}\mathrm{H}{\phantom{A}}_2\mathrm{O}\mathrm{H}+\mathrm{H}{\phantom{A}}_2\mathrm{S}\mathrm{O}{\phantom{A}}_4$.

Үнүп келген продукт спирт биле янзы-бүрү бүдүмелдерниң холуксаазы болуп турар. Спиртти улаштыр үлетпүрге азы фармацевтикага ажыглаарда ону арыглаары чугула. Дистилляция дузазы-биле (аңгы температураларга хайныр суук бүдүмелдерни бусталдырып аңгылап тургаш) 95,6 % арыг этанол үндүрүп болур.

Физиктиг шынарлар

Нормалыг байдалдарга (20 °C, 101325 Па (бир атмосфера)) — өң чок, бусталыычал, шимченгир, онза чыттыг болгаш ажыг амданныг суук чүүл. Сугдан чиик (сырыйы 789,3 кг/м³). Эриир (доңар) температуразы -114,15 °C, хайныр температуразы 78,39 °C. Молекулярлыг массазы 46,069 а.е.м (Майык:Lang-ru). Суг, глицерин, диэтилдиг эфир, метанол, уксустуг кислота, хлороформ-биле холужуп болур.

Химиктиг шынарлар

Этанолдуң молекулазының 3 хемчээлдиг моделиниң анимациязы

Этанолдуң кывары болгаш ооң одунуң спектири

Кывар. Кислород чедерде углекислоталыг хей биле суг үндүрүп, чырык көк от-биле кывар:

$\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}+3\mathrm{O}{\phantom{A}}_2⟶2\mathrm{C}\mathrm{O}{\phantom{A}}_2+3\mathrm{H}{\phantom{A}}_2\mathrm{O}$.

Тускай байдалдарга оксидацияны долу эвес кылдыр чорудуп, уксустуг кислота азы ацетальдегидче шилчидип болур:

$3\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}+\mathrm{K}{\phantom{A}}_2\mathrm{C}\mathrm{r}{\phantom{A}}_2\mathrm{O}{\phantom{A}}_7+4\mathrm{H}{\phantom{A}}_2\mathrm{S}\mathrm{O}{\phantom{A}}_4⟶3\mathrm{C}\mathrm{H}{\phantom{A}}_3\mathrm{C}\mathrm{H}\mathrm{O}+\mathrm{K}{\phantom{A}}_2\mathrm{S}\mathrm{O}{\phantom{A}}_4+\mathrm{C}\mathrm{r}{\phantom{A}}_2(\mathrm{S}\mathrm{O}{\phantom{A}}_4){\phantom{A}}_3+7\mathrm{H}{\phantom{A}}_2\mathrm{O}$.

Кислоталар ролюн база ойнап болур. Натрий, калий чижектиг металдар-биле реакцияже кирип, этилаттар дээр дустар тургузар:

$2\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}+2\mathrm{K}⟶2\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{K}+\mathrm{H}{\phantom{A}}_2$,

$\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}+\mathrm{N}\mathrm{a}\mathrm{H}⟶\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{N}\mathrm{a}+\mathrm{H}{\phantom{A}}_2$.

Нарын эфирлер тургузуп, карбоннуг кислоталар азы чамдык кислородтуг органиктиг эвес кислоталар-биле реакциялап болур:

$\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}+\mathrm{R}\mathrm{C}\mathrm{O}\mathrm{O}\mathrm{H}⟶\mathrm{R}\mathrm{C}\mathrm{O}\mathrm{O}\mathrm{C}{\phantom{A}}_2\mathrm{H}{\phantom{A}}_5+\mathrm{H}{\phantom{A}}_2\mathrm{O}$,

$\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{H}+\mathrm{H}\mathrm{N}\mathrm{O}{\phantom{A}}_2⟶\mathrm{C}{\phantom{A}}_2\mathrm{H}{\phantom{A}}_5\mathrm{O}\mathrm{N}\mathrm{O}+\mathrm{H}{\phantom{A}}_2\mathrm{O}$.

Ажыглаашкын

Химия үлетпүрү

• хөй санныг органиктиг бүдүмелдер (диэтилдиг эфир, хлороформ, уксустуг кислота, ацетальдегид, этилацетат, этиламин) үндүрерде ажыглаар бүдүмел;
• дозу, будук бүдүрерде ажыглаар эзилдирикчи;
• антифризтерниң компонентизи.

Эмнелге

Эмнелгеде этилдиг спирт эзилдирикчи, экстрагент болгаш антисептик кылдыр ажыглаттынып турар

• антисептиктиг шынарлыг;
• изопропилдиг спирт азы этиленгликольдуң антидоду (хораннаныышкын удур эм);
• метилдиг спирттиң антидоду: метанол организимче кирген соонда, үезинде (дораан-на) кирген этилдиг спирт метанолдуң хоранныг метаболиттериниң (формальдегид, метанныг кислотаның) концентрациязын эвээжедир;
• эмнер эзилдирикчизи;
• ниити анастезия кылырда ажыглаар.

Аъш-чем үлетпүрү

Суг-биле кады спирттиг суксуннарның кол компонентизи болуп турар. Оон аңгыда этанол ажыышкын аргазы-биле үнүп турар спирт чок кылдыр билдингир суксуннарда (кефир, хойтпак, квас, хымыс, алкоголь чок пивода) база бар (концентрациязы улуг эвес).

Кывар чүүл

Этанол янзы-бүрү бажыңга ажыглаар азы лабораторлуг изидер херескелдерден эгелээш иштики кывыышкын хөделдирикчилери болгаш ракета хөделдирикчилеринге оттулар чүүл кылдыр ажыглаттынып болур.

Кижиниң организминге салдары

Этанол суг болгаш үстер-биле эзиндилер тургузуп шыдаар, ынчангаш организимге сөөлгү эвес рольду ойнап турар. Глюкозаның метаболиди болгаш, кадык кижиниң ханында 0,01 %-га чедир этанол бар болуп болур.

Этанолдуң кол метаболиди — ацетальдегид — хоранныг, мутагенниг (мутация, өскерлиишкин тывылдырар) болгаш канцерогенниг (рак тывылдырар) шынарлыг. Ацетальдегид ДНК үрээр.

Этанолдуң салдары үр үе иштинде уламчылаар болза, баар циррозу, гастрит, ижин язвазы, эмиг рагы, ижин рагы кызыл-өөш рагы (этанол канцероген болуп турар) болгаш инсульт ышкаш аарыглар тывылдырар. Нервилиг системазы аномалиялыг уругнуң төрүттүнериниң рискизи улгадыр, (уругнуң) өзүлдези саадап болур.

Этилдиг спирттиң хевирлери

• Ректификат — ректификация аргазы-биле арыглаан спирт, массалыг үлүү 95,57 %;
• Абсолюттуг спирт — спирттиң массалыг үлүү >99,9%.

Улаштыр

• Спирттер
• Арага